ऋचा लुइटेल
रगतमा चिनी देखिन्छ पिसाबमा रगत देखिन्छ
मुटु धमनी जँचाएर हेर्नू क्षत बिक्षत देखिन्छ
हड्डी खिएको हुन्छ नशा च्यापिएको हुन्छ
सन्चो कहिल्यै हुन्न शरिरमा पीडा हद देखिन्छ
तल्लो पेट दुखिरहन्छ माथ्लो डम्म फुलिरहन्छ
कँहि गाँठा गुठी देखिन्छ कँहि खत देखिन्छ
जिन्दगीको प्रयोगशालामा जिन्दगी नापेर हेर्नुस्
अस्पताल पिच्छे डाक्टरको मत अभिमत देखिन्छ
ढुङ्गा माटो खाएपनि पचाउने जमाना गएछ
अचेल पिउने पानी र हावा पनि गलत देखिन्छ
मेरा ब्यथाहरुको बयान मेरो बोलीले नगर्न सक्छ
अनुहार पढेर हेर्नू सबथोक सत सत देखिन्छ