अपराधी जो सुकै होस कारवाही हुनैपर्छ- श्रेष्ठ

२३ जेठ, सुर्खेत । राउटे महिला माथि भएको यौन हिंसा घटनाको भिडियो बाहिरए संगै अपराधीलाई कारवाही गर्नुपर्ने माग उठ्न थालेको छ ।

गुर्भाकोट नगरपालिका-९ बोटेचौर सुर्खेतका २९ वर्षीय विनोद पुन, सोही ठाउँका ३५ वर्षीय दोमनबहादुर घर्ती र २४ वर्षीय भूपेन बुढाले भाइरल राउटे महिला सम्झना र अर्को महिला गाजलीलाई स्थानीय होटलमा मदिरा सेवन गराई यौन दुर्व्यवहार गरेको भिडियो सामाजिक सञ्जालमा सार्वजनिक भएसंगै व्यापक विरोध शुरु भएको हो ।

हिंसामा संलग्न ३ जनालाई अहिले प्रहरीले नियन्त्रणमा लिइसकेको छ । भिडिओमा राउटे युवतीहरूले ‘आफूलाई डिस्टर्ब भएकोले बाहिर जान’ भनेपनि युवाहरूले भने जबर्जस्ती भिडियोमा युवतीलाई बोल्न लगाएका देखिन्छ । यतिमात्रै होइन एकजना व्यक्तिले जबरजस्ती चुम्बनसमेत गरेको भिडियोमा देखिन्छ ।

यसैवीच कर्णाली स्वयम् सेवक दलले #save_raute अभियान चलाउँदै राउटे महिला हिंसाको अन्त्य गर्न माग गरेको दलका संयोजक सुदर्शन श्रेष्ठले बताउनुभयो । उहाँले भन्नुभयो ‘हिंसामा अपराधी जो सुकै भएपनि कानुनी कठघरमा उभ्याउनै पर्छ त्यसमापनि झन राउटे जाति भनेको कर्णाली प्रदेशको गहना हुन त्यसैले अपराधीलाई कडाभन्दा कडा सजायको हामी माग गर्दछौ ।’

प्रकाशित मितिः आइतवार, जेष्ठ २३, २०७८     1:37:53 PM

Leave a Reply

Your email address will not be published. Required fields are marked *