असार १७, सुर्खेत ।
पछिल्लो समयमा गजल मार्फत आगो बाल्ने यूवा गजलकार इश्वर दाहाल पाख्रिबास १, धनकुटामा पिता गोबिन्दप्रसाद दाहाल र माता कमला दाहालको सुपुत्रको रुपमा २०५१ साल श्राबण २७ गते जन्मिएका हुन् ।
पाख्रिबास कला साहित्य समाजका सहसचिव इश्वर महफिलको १३ औ शृंखलामा सहभागीता सँगै सुर्खेतमा आयोजीत चार जना गजलकारहरुका गजल बाचनमा पनि सरीक भई सुर्खेतमा पनि आगो बाल्न सफल भएकाछन् ।
२०७३ सालको मेची कोशी गजल प्रतियोगितामा प्रथम स्थान हाँसील गरेका इश्वरका गजलहरु कैफियत २ मा समेत संग्रहित भएका छन् ।
क्यारिकेचरमा रुची भएका इश्वर पछिल्लो समयमा गजल बिधामा चर्चीत बन्दै गएकाछन् । मिजासीलो स्वभावका इश्वर उत्कृष्ठ गजल लेखनमा क्रियाशिल छन्, र कृति कहिले प्रकाशन गर्ने भन्ने टुंगोमा पुगेका छैनन् ।
दर्शकहरुको मन चोर्न सक्ने अब्बल क्षमता भएका इश्वर गजल लेखनका लागि इश्वरले नै बरदान दिएको हो भन्ने उनका श्रोताहरु पनि कम्ति छैनन् । यही रफ्तालाई आत्मसाथ गर्दै जानेहो भने इश्वरको नाम नेपाली गजल साहित्यमा अब्बल दर्जामा लेखीने कुरामा शंका गर्ने ठाउँ कम देखिन्छ ।
घाइते बनाएर छोडेको पनि काम आयो
आज बैशाखी टेकेर साथि मलाम आयो
रुपैया कमाउन साच्चै किस्मत चाहिदोरहेछ
गरिबको सहिद हुने बेला युद्दबिराम आयो
सबभन्दा घातक रोग के हो ? कसैले सोध्यो
प्रश्न नटुङ्गिदै दिमागमा तिम्रो नाम आयो
फेरि मेरै हातको अचानो पनि मागिरहेछ
सजिलै गर्दन थापिदिनुको परिणाम आयो
मान्छेको मनसंग पुरै दुनियाँले खेलिसकेछ
अचेल पसलका खेलौनाहरुको दाम आयो
Milan Shrestha । १७ असार २०७५, आईतवार ०८:०७ बजे