सुर्खेत,२५ चैत।
गत मंगलवार कोहलपुर–नेपालगंज सडक खण्ठमा स्कोरपियोको ठक्करबाट दूर्घटना भई उपचारका क्रममा मृत्यु भएकासुर्खेतका युवा प्रतिभा तथा व्यवसायी चेतन पुरीको बिहिबार अन्त्यस्टी गरिएको छ 
सुर्खेतबाट नेपालगञ्ज जाँदै गरेको भे ५ प ९२७६ नम्बरको मोटरसाईकल कोहलपुर नगरपालिकाको हवल्दापुरमा दुर्घटना हुँदा उपचारको क्रममा पुरीको मृत्यु भएको थियो । पुरीसंगै यात्रा गरिरहेका कवि गिरी भने घाइते छन् र हाल उनको उपचार भईरहेको छ ।
पुरीले चलाइरहेको मोटरसाईकललाई नेपालगञ्जबाट कोहलपुरतर्फ आउँदै गरेको बा १६ च २२१४ नम्बरको स्कोरपियोले ठक्कर दिएको जिल्ला प्रहरी कार्यालय बाँकेका प्रहरी प्रमुख टेकप्रसाद राईले जानकारी दिए । उनीहरुलाई मंगलवार साँझ करिव साढे पाँच बजे स्कोरपियोले ठक्कर दिएको थियो ।
प्रहरी प्रमुख राईका अनुसार दुर्घटनामा गम्भीर घाईते पुरी र गिरीको उपचारको लागि मेडिकल कलेज कोहलपुर लगिएको थियो । कोलपुरमा उपचार सम्भव नभएपछि थप उपचारको लागि नेपालगञ्ज मेडिकल कलेजमा रिफर गरिएको थियो । सुर्खेत वीनपा १ धारापानी निवासी पुरी गित संगित र अभिनय क्षेत्रमा रुची राख्थे । उनी राष्ट्रिय लोकदोहोरी गित प्रतिष्ठान भेरी अञ्चल उपाध्यक्ष थिए । मृत्यु पश्चात बिहिबार नेपालगंजबाट उनको गृह जिल्ला सुर्खेत ल्याई बिहिबार सांझ 
नै हिन्दु परम्परा अनुशार सुर्खेत जिल्लाको पश्चित गिरीघाटमा अन्त्यस्टी गरिएको थियो ।
Milan Shrestha । २५ चैत्र २०७३, शुक्रबार ०७:११ बजे