जेष्ठ १३, काठमाडौँ
सरकारको नीति तथा कार्यक्रम प्रतिनिधिसभाबाट पारित भएको छ ।प्रतिनिधिसभाको आइतबार बसेको बैठकले आर्थिक वर्ष २०७५/०७६ को नीति तथा कार्यक्रम पारित गरेको हो ।
राष्ट्रपति विद्यादेवी भण्डारीले जेठ ७ गते सरकारको नीति तथा कार्यक्रम संघीय संसदका दुवै सदनको संयुक्त बैठकमा प्रस्तुत गरेकी थिइन् । नीति तथा कार्यक्रममा चार दिनसम्म सांसदहरुले धारणा राखेका थिए ।
नीति तथा कार्यक्रममा कांग्रेसका सांसद मिनेन्द्र रिजाल र राजपाका अनिलकुमार झाबाहेकका संशोधनकर्ताले आफ्नो संशोधन प्रस्ताव फिर्ता लिएका थिए ।
संसदले सरकारको नीति तथा कार्यक्रम पारित गर्नुअघि प्रधानमन्त्री केपी शर्मा ओलीले सांसदहरुले उठाएका जिज्ञासाको जवाफ दिएका थिए । प्रधानमन्त्रीले विपक्षीले उठाएका जिज्ञासाको जवाफ दिंदै सरकारको नीति तथा कार्यक्रमको विरोध नै गर्नुपर्ने संस्कार सुधार गर्न अपिल गरेका थिए ।
नीति तथा कार्यक्रममा कांग्रेसका सांसद मिनेन्द्र रिजाल र राजपाका अनिलकुमार झाले राखेका संशोधन बहुमतले अस्वीकृत गरेको थियो । कान्तिपुर अनलाइनबाट
Milan Shrestha । १३ जेष्ठ २०७५, आईतवार १०:०० बजे