१९ असार, सुर्खेत ।
भारी वर्षाका कारण नेपालगञ्जबाट कर्णाली प्रदेशका पहाडी जिल्लाका लागि हुने हवाई उडान सेवा बन्द भएकोछ ।
आइतबार साँझदेखि शुरु भएको भारी वर्षाका कारण नेपालगञ्जबाट कर्णाली प्रदेशका हिमाली जिल्लामा हुने सबै हवाई उडान सोमबारदेखि बन्द रहेको नागरिक उड्डयन कार्यालय बाँकेका सूचना अधिकारी कृष्ण गौतमले जानकारी दिनुभएको छ ।
नेपालगञ्जबाट जुम्ला, हुम्ला, डोल्पा र मुगु जिल्लामा हुने गरेका दैनिक उडान बन्द भएका हुन्् । हुम्लाका लागि हवाइजहाज उडान नहुँदा ५ सय भन्दा बढी भारतीय तीर्थयात्रीहरु नेपालगञ्जका बिभिन्न होटलमा अलपत्र अबस्थामा रहेकाछन् ।
काठमाडौँका उडान भने नियमित भइरहेको सो कार्यालयले जनाएको छ ।
Milan Shrestha । १९ असार २०७५, मंगलवार ०५:०० बजे