काठमाडौं– सशस्त्र प्रहरीका फाजिल पाँच एआईजीले बिहिबार राजीनामा बुझाएका छन् । गतवर्ष भएको प्रदेश तथा प्रतिनिधिसभा निर्वाचन आचारसंहिताको बेला एआईजीमा बढुवा भएका जानकीराज भट्टराई, निराकार विक्रम शाह, सुबोधकुमार अधिकारी, खडानन्द चौधरी र राजेश श्रेष्ठले सशस्त्र प्रहरीका आईजीपी शैलेन्द्र खनाललाई अाज राजीनामा बुझाएका हुन् ।
देउवा सरकारले प्रदेशहरुमा खटाउने गरी एआइजीको विशेष पद सिर्जना गरी बढुवा गरेको थियो । तर, सोको कार्यान्वयन हुन नसकेपछि उनीहरु भूमिकाविहिन बनेका थिए ।
यही बीच बुधबार साँझ बसेको मन्त्रिपरिषद् बैठकले आचारसंहिताका बेला देउवा सरकारले गरेको सम्पूर्ण निर्णय बदर गर्ने निर्णय गरेसँगै उनीहरुले पनि राजीनामा दिएको बताइएको छ ।
साभारः रातोपाटी ।
Milan Shrestha । २१ असार २०७५, बिहीबार १७:०९ बजे