काठमाडौं- प्रधानमन्त्री केपी ओलीलाई लक्षित गरी सामाजिक सञ्जाल फेसबुकमार्फत् नकारात्मक टिप्पणी गर्ने एक कर्मचारीलार्इ प्रहरी पक्राउ गरी हिरासतमा राखेको छ।
भक्तपुर सुर्यविनायक-३ का होमनाथ सिग्देललाई प्रहरीको अपराध महाशाखाको टोलीले काठमाडौं बबरमहलबाट पक्राउ गरेको हो।
काभ्रेको रोशी गाउँपालिका-५ का वडा सचिव नायब सुब्बा सिग्देलले प्रधानमन्त्री ओलीको टाउकोलाई बाँदर र मानिसको नग्न शरीरसँग जोडीेर फेसबुकबाट सेयर गरेका थिए।
यसरी सामाजिक सञ्जालको दुरुपयोग गरी अर्कोको तस्बिर वा अन्य कुनै कार्टुन प्रयोग गरी चरित्रहत्या गर्नेलार्इ विद्युतीय कारोबार ऐन २०६३ को दफा ४७ बमोजिम एक लाख जरिवाना तथा पाँच वर्ष कैद हुने कानूनी व्यवस्था छ।
Milan Shrestha । ५ भाद्र २०७५, मंगलवार १६:३२ बजे