१९ असोज, काठ्माडौं । निर्वतमान सभामुख कृष्णबहादुर महरा पक्राउ पर्नुभएको छ । प्रहरीले महरा माथि बलात्कार प्रयासको अभियोगमा पक्राउ गरेको हो ।
प्रहरीले आज (साँझ) आइतवार सभामुख निवासबाट महरालाई पक्राउ गरेको हो । प्रहरीले महरालाई भ्यानमा राखेर लैजाने तयारी गरेतापनि महराको आग्रहमा निजी सवारी साधनमा राखेर लगेको छ ।
सादा पोशाकमा खटिएका प्रहरी संग महरा आफैले प्रयोग गर्ने बा १८ च ४०० नम्बरको निजी गाडीमा जानुभएको हो ।
प्रहरीका अनुसार महरालाई महानगरीय प्रहरी वृत्त, सिंहरबारमा राखेर अनुसन्धान गरिने बताइएको छ ।
महरालाई १२ असोजको साँझ संसद सचिवालयकी कर्मचारी रोशनी शाही माथि बलात्कारको प्रयास गरेको आरोप छ । गए शुक्रवार निज महिलाले किटानी जाहेर दिएपछि प्रहरीले महरालाई अदालतको आदेश पछि पक्राउ गरेको हो ।
Milan Shrestha । १९ आश्विन २०७६, आईतवार १८:५२ बजे