१० बैशाख, सुर्खेत । नेपाल मगर महिला संघ कर्णाली प्रदेशको दोश्रो अधिवेशनले निर्मला गाहा मगरलाई अध्यक्षमा चयन गरेको छ ।
नेपाल मगर महिला संघका केन्द्रिय अध्यक्ष हिरुसरा राना मगरले पानसमा दिप प्रज्वलन गरेर शुभारम्भ गर्दै मगर महिलाहरुले सङ्गठन विस्तार सँगसँगै आर्थिक र राजनीतिलाई पनि अगाडी लैजान आवश्यक रहेको बताउँदै राज्यले यसतर्फ विशेष ध्यान दिन जरुरी रहेको औल्याउनुभयो ।
त्यस्तै अधिवेशनमा कर्णाली प्रदेश सभाका पूर्व उपसभामुख पुष्पा घर्तीमगरले आधा हिस्सा ओगटेको मगर महिलाहरुले आफ्नो हक, अधिकारकालागि धेरै संघर्ष गर्न जरुरी रहेको र आफ्नो भाषा, कला संस्कृतिलाई जोगाउन लागि पर्नु पर्ने बताउनुभयो ।
कार्यक्रममा नेपाल मगर संघका केन्द्रिय सचिव आशुराम सोमै मगर, कर्णाली प्रदेश महासचिव डम्बर गरञ्जा मगर, आदिवासी जनजाती महासंघ कर्णाली प्रदेश अध्यक्ष वीरबहादुर रावत भोटे तथा जिल्ला समन्वय समिति सुर्खेतका कावा अध्यक्ष अशोक राजी लगाएतले अधिवेशन सफलताको शुभकामना दिनुभएको थियो ।
नेपाल मगर महिला महासंघ कर्णाली प्रदेशका अध्यक्ष कृष्णा बंशी मगरको सभापतित्वमा सम्पन्न कार्यक्रमको सहजीकरण अन्जु राना मगरले गर्नुभएको थियो ।
Prawash Kumar Shakya । १० बैशाख २०८०, आईतवार १८:१६ बजे