२ जेठ । सुर्खेत : सम्पर्कविहिन भएको मकालु एयरको नाइन एन जेयु जहाज हुम्लामा भेटिएको छ। हुम्लाको खार्पूनाथ गाउँपालिकाको लामा डाडाँथीको बाहुन खर्कमा दुर्घटानाग्रस्त अवस्थामा जहाज भेटिएको सहायक प्रमुख जिल्ला अधिकारी महेशकुमार पोखरेलले जानकारी दिए।
उनका अनुसार जहाज टुक्राटुक्रा भएको अवस्थामा फेला परेको छ। पाइलट किरण भट्टरार्इकाे शव फेला परेको उनले जानकारी दिए। जहाजमा चालक दलका दुई जना सदस्य सवार थिए।
चालक दलका दुई सदस्यसहित उडेको जहाज बिहान ६ बजेर ५५ मिनेटमा सिमकोटमा अवतरण गर्नुपर्ने सेड्युल थियो। तर पौन ७ बजेदेखि नै जहाज बाजुराको आकाशबाट बेपत्ता भएको थियो।
विमानमा चालक दलका सदस्य किरण भट्टराई र आदित्य नेपाली सवार थिए। बुधबार बिहान ६ बजेर १२ मिनेटमा सुर्खेत विमानस्थलबाट कार्गो लिएर सिमकोटका लागि उडेको मकालुको जहाज सम्पर्कविहीन भएको थियो।
थप विवरण आउन बाँकी छ।
अन्नपूर्ण पोष्ट अनलाइनबाट
Milan Shrestha । २ जेष्ठ २०७५, बुधबार ०५:४६ बजे