१२ भाद्र, बाजुरा । नेपाल स्वयंसेवी रक्तदाता समाजका केन्द्रीय अध्यक्ष एवं नेपालका सर्वाधिक शतक रक्तदाता प्रेमसागर कर्माचार्यले “गाँस काटेर भएपनि सेवा गर्नुपर्छ” ! भनि समाजप्रति आफ्नो मूल समर्पण बनाइ आत्मसात् गर्दै अगाडी बढ्दै आएको आफ्नो बुवाआमाको नाममा स्थापित प्रेमपूर्ण सानुमैञा असहाय सेवा काेषद्वारा बाजुराको एक माध्यमिक विद्यालमा शैक्षिक सामाग्री वितरण गर्नुभएको छ ।
बाजुराको बुढीगंगानगरपालिका वार्ड ५ स्थित भानुदय माध्यमिक विद्यालयमा अध्ययनरत कक्षा १, २ र ३ का छात्रछात्राहरुलाई प्रेमपूर्ण सानुमैञा असहाय सेवा काेष मार्फत शैक्षिक सामाग्री वितरण गरिएको शतक रक्तदाता कर्माचार्यले जानकारी दिनुभयो ।
कार्यक्रममा विद्यालय व्यवस्थापन समितिका अध्यक्ष तथा कार्यक्रमका सभापति हिक्मत थापा र प्रधानाध्यापक धनबहादुर नाथले संयुक्तरूपमा प्रेमपूर्ण सानुमैञा असहाय सेवा काेषका व्यवस्थापक एवं शतक रक्तदाता कर्माचार्यलाई शैक्षिक सामाग्री प्रदान गर्नुभएकोमा टीका खादा लगाई स्वागत एवं सम्मान गर्नुभएको थियो ।
Prawash Kumar Shakya । १२ भाद्र २०८१, बुधबार १६:०९ बजे