१० असोज, सुर्खेत । यसबर्षको बडादशै आजबाट शुरु भएको छ ।
प्रत्येक वर्ष आश्विन शुक्ल प्रतिपदादेखि सुरु हुने नेपालीको महान् पर्व बडादसैँ आज घर घरमा घटस्थापना गरेसँगै सुरु हुन्छ । यो पर्व आश्विन शुक्ल पूर्णिमासम्म १५ दिन धूमधामका साथ मनाइने गरिन्छ । यो पर्व नेपालीहरुको प्रमुख चाडपर्वको रुपमा मनाइन्छ ।
आश्विन महिनाको शुक्ल प्रतिपदा का दिनदेखि नवमी सम्म (नवरात्रभर) शक्तिको आराधना गरी दशौँ दिन विहान दशमीका दिन आफूभन्दा ठुला मान्यजनहरूको हातबाट टीका-प्रसाद ग्रहण गरेर विशेष रूपमा पुर्णिमा सम्म (प्रसाद ग्रहणका लागि) मनाउने गरिन्छ । आश्विन शुक्ल प्रतिपदा (घटस्थापना)मा जमरा राखी नवमीसम्म नवरात्र विधिले प्रत्येक दिन फरक देवीहरूको पूजा हुन्छ । प्रतिपदा देखि क्रमशः शैलपुत्री, ब्रह्मचारिणी, चन्द्रघन्टा, कुष्माण्डा, स्कन्दमाता, कात्यायनी, कालरात्री, महागौरी, सिद्धिदात्री गरी नवदुर्गाको पूजा गर्दै सप्तशती (चण्डी) पाठ गरी नव दुर्गा र तृशक्ती महाकाली, महालक्ष्मी र महासरस्वोतिको विशेष पूजाआजा र आराधाना गरिन्छ ।
घटस्थापनाको साइत बिहान १०:२३ बजे
यसैवीच आज घटस्थापनाको साइत विहान १०ः३० बजे रहेको नेपाल पञ्चाङ्ग निर्णायक विकास समितिले जनाएको छ ।
आजैको दिन विधिपूर्वक घट अर्थात् घडा स्थापना गरी त्यही घडामाथि शक्तिस्वरुपा दुर्गाको पूजा आराधना गरिने भएकाले आजको दिनलाई घटस्थापना भन्ने गरिएको हो । आज स्थापना गरिएको पूर्ण कलशको जलले अभिषेक गरी विजया दशमीका दिनमा दुर्गा देवीको प्रसाद ग्रहण गर्ने गरिन्छ ।
विजया दशमी २०७९को पावन अवसरमा हामी हाम्रा समस्त पाठकवर्ग शुभचिन्तक एवं हितैषी मित्रहरुमा हार्दिक मंगलमय शुभकामना व्यक्त गर्दछौ ।
प्रवाश कुमार शाक्य
अध्यक्ष तथा प्रधान सम्पादक
मिलन श्रेष्ठ
सम्पादक
त्रिरत्न पि एम मिडिया हाउस प्रा. लि.
Prawash Kumar Shakya । १० आश्विन २०७९, सोमबार ०७:२९ बजे