२० सावन, काठमाडौं/ लायन्स क्लब अफ काठमाडौं युनाइटेड सेन्टरले आज आफ्नो प्रथम बार्षिककोत्सव तथा पदस्थापना कार्यक्रम गरेको छ । नेपाल स्वयंसेवी रक्तदाता समाजका केन्द्रीय अध्यक्ष एवं सर्वाधिक स्वयंसेवी शतक रक्तदाता प्रेमसागर कर्माचार्यकाे प्रमुख आतिथ्यता लायन्स क्लब अफ काठमाडौं युनाइटेड सेन्टरले कार्यक्रम सम्पन्न गरेको हो ।
कार्यक्रमका प्रमुख अतिथि नेपालका सर्वाधिक शतक रक्तदाता कर्माचार्यलाई लायन्स क्लब अफ काठमाडौं युनाइटेड सेन्टरले रक्तदान जस्तो पवित्र कार्यमा आफ्नो जीवन नै लगाउनुभएकोमा सम्मान समेत गरेको छ । सम्मान ग्रहण गर्दै कर्माचार्यले आफुमा यो सम्मानले अझै जिम्मेवारी थपिएको महसुश भएको बताउनुभयो । कर्माचार्यले लायन्सद्वारा सञ्चालनमा ल्याउन लागेको रक्त सञ्चार सेवा चाँडै नै शुभारम्भ भई सेवा प्रदान गर्न शुभकामना दिनुका साथै रगत र रगतबाट तयारी पारिएका रक्त-तत्वहरू पीडित समक्ष नि:शुल्क उपलब्ध गराउन तर्फ अग्रसर हुनुपर्नेमा जाेड दिँदै त्यसमा नेपाल स्वयंंसेवी रक्तदाता समाज यसमा सहकार्य गर्न तयार रहेकाे पनि बताउनु भयो ।
त्यस्तै कार्यक्रममा लायन्सका गुरू अधिकारीले आफ्नो कार्यकालको प्रगति विवरण प्रस्तुत गर्नुभएको थियो भने नवनिर्वाचित अध्यक्ष प्रदीपमान प्रधानद्वारा भावी कार्यक्रमहरू पेश गर्नुभएको थियो ।
Prawash Kumar Shakya । २१ श्रावण २०८१, सोमबार १९:२९ बजे