रक्तदानको क्षेत्रमा काम गर्दै आइरहनुभएका नेपाल सर्वाधिक शतक रक्तदाता, नेपाल स्वयंसेवी रक्तदाता समाजका केन्द्रीय अध्यक्ष प्रेमसागर कर्माचार्यलाई “रक्तदाता पुरुष यूग सम्मान-२०८१” द्वारा सम्मान एवं अभिनन्दन गरिएको छ ।
अन्तर्राष्ट्रिय नेपाली रक्तदाता संघले छैठौं महाधिवेशनमा नेपालका सर्वाधिक शतक रक्तदाता कर्माचार्यलाई सम्मान एवं अभिनन्दन गरेको हो । कर्माचार्यलाई कार्यक्रमका प्रमुख अतिथि स्टार अस्पतालका अध्यक्ष किशोर महर्जन एवं अन्तर्राष्ट्रिय रक्तदाता संघका अध्यक्ष अजय सत्यालले संयूक्त रुपमा अभिनन्दन गर्दै सम्मान पत्र हस्तान्तरण गर्नुभयो ।
नेपाल रेडक्रस साेसाइटी केन्द्रीय रक्तसञ्चार सेवाका पूर्व निर्देशक एवं हालका वरिष्ठ सल्लाहकार डा. मनिता श्रेष्ठ राजकर्णिकारले संयोजन गर्नुभएको कार्यक्रममा नेपाल रेडक्रस साेसाइटी केन्द्रीय रक्तसञ्चार सेवाका निर्देशक पवनकुमार गुप्ता रहनुको पनि सहभागिता रहेको थियो ।
स्मरण रहोस् सर्वाधिक शतक रक्तदाता कर्माचार्य संस्थागतरुप मै नेपाल स्वयंसेवी रक्तदाता समाज मार्फत दानमा दिइएको रगतलाई सम्वन्धित विरामी पक्षले निःशुल्क पाउनुपर्छ भनी सरकार सँग माग गर्दै आइरहनुभएको छ ।
Prawash Kumar Shakya । १५ आश्विन २०८१, मंगलवार २२:२५ बजे