१५ बैशाख, सुर्खेत,
अनुमतिबिनै ड्रोन क्यामरा उडाउने सिएनएन हिरो म्यागी डोयनसहित उनका एक सहयोगी पक्राउ परेका छन् । सुर्खेत प्रहरीले उनीहरुलाई काँक्रेविहार जंगलमा ड्रोन क्यामरा उडाइ रहेको अवस्थामा बुधबार साँझ पक्राउ परेको हो । जिल्ला प्रहरी कार्यालयका सहायक प्रहरी निरीक्षक मुन्नी सिंह चौहानको कमाण्डमा गएको टोलीले उनीहरुलाई बुधबार साँझ पाँच बजे पक्राउ गरेको थियो ।
अनुमतिबिनै ड्रोन क्यामरा उडाउने सिएनएन हिरो म्यागी डोयनसहित उनका एक सहयोगी पक्राउ परेका छन् । सुर्खेत प्रहरीले उनीहरुलाई काँक्रेविहार जंगलमा ड्रोन क्यामरा उडाइ रहेको अवस्थामा बुधबार साँझ पक्राउ परेको हो । जिल्ला प्रहरी कार्यालयका सहायक प्रहरी निरीक्षक मुन्नी सिंह चौहानको कमाण्डमा गएको टोलीले उनीहरुलाई बुधबार साँझ पाँच बजे पक्राउ गरेको थियो ।
पक्राउ गरेका उनीहरुको नाम क्षेत्रीय प्रहरी कार्यालयका डिआईजी माधव नेपाल र जिल्ला प्रहरी कार्यालयका एसपी वीरेन्द्र श्रेष्ठले खुलाउन चाहेनन् । उनीहरुले विदेशी नागरिक एकै मात्र भएको बताउँदै सूचना दिनबाट पन्छिन खोजे । एक प्रहरी अधिकारीका अनुसार पक्राउ पर्ने सिएनएन हिरो डोयन र उनका सहयोगी अमेरिकन नागरिक पुरुष रहेका छन् । ति अधिकारीले विदेशी पुरुषको नाम थाहा नभएको बताए ।
‘म आफै प्रहरी कार्यालय जान्छु, तपाईले पक्राउ गर्नु पर्दैन’ म्यागीको भनाई उद्धृत गर्दै ति प्रहरी अधिकारीले भने,–‘विदेशी पुरुषले मैले चलाएको हुँ, डोयनले निर्देशन दिएकी हुन भनेपछि उनलाइ पनि प्रहरी कार्यालयमै पु¥याएको हुँ ।’ तरजिल्ला प्रहरी कार्यालयका एसपी वीरेन्द्र श्रेष्ठले यसबारेमा मुख खोल्न चाहेनन् । उनले अुनसन्धान भइरहेको छ, पर्खनुहोस् भन्दै पन्छिए ।
सुर्खेत उपत्यकाभित्र रहेका सुरक्षा निकायको भवन र सुरक्षाको दृष्टिकोणले अति संवेदनशील क्षेत्रमा पनि ड्रोन क्यामरा उडाएको आशंका गरिएको छ । पक्राउ पर्नु अघि डोयनले वीरेन्द्रनगरको रातो पुल र क्षेत्रीय अस्पताल नजिकैको आकाशबाट पनि ड्रोन क्यामरा उडाएको स्थानीयबासीले बताएका छन् ।
तर उनीहरु त्यो क्षेत्रबाट आधा घण्टामै सबैलाई छल्दै काँक्रेविहार जंगल हानिएका थिए । समाचार आएपछि जिल्ला प्रशासनले प्रहरीलाई ड्रोन क्यामरा उडाउने व्यक्तिलाई खोज्न आदेश दिएको थियो ।
नेपालको कानून अनुसार प्रशासनसँग अनुमति लिएर मात्रै ड्रोन क्यामरा उडाउन पाइने भएपनि ड्रोन उडाउने अनुमति कसैले नलिएको प्रमुख जिल्ला अधिकारी राजकुमार श्रेष्ठले बताएका छन् ।
पूर्व स्वीकृतीबिना ड्रोन क्यामराको प्रयोग गरी तस्बिर वा भिडियो रेकर्ड गरेको खण्डमा नागरिक उड्डयन प्राधिकरण ऐन र विद्युतीय कारोबार ऐन अनुसार कारबाही हुने प्रावधान रहेको छ । ड्रोनबाट लिइएका तस्बिर र भिडियो सुरक्षा संगठनलाई अनिवार्य रुपमा बुझाउनुपर्ने गृहमन्त्रालयले जारी गरेको निर्देशिकामा उल्लेख छ ।
निर्देशिकाले धार्मिक र सांस्कृतिक स्थल, सुरक्षाका दृष्टिले संवेदनशील क्षेत्र र हवाई मार्गमा असर पर्नसक्ने क्षेत्रमा ड्रोन उडान रोक लगाएको छ । पक्राउ परेका डोयनलाई प्रहरीले किन नाम खुलाउन चाहेन भन्दै प्रहरीको कार्य सम्पादनमा प्रश्न शंका गरेका छन् । डोयनसंग अमेरिकन पत्रकार आएकाले ति पत्रकार पनि पक्राउ परेको हुन सक्ने कोपिला भ्याली स्रोतले जानकारी दिएको छ ।
सभार : अनलाइन सुर्खेत डट कम
Milan Shrestha । १५ बैशाख २०७३, बुधबार १६:३० बजे