५ चैत्र, कालीकोट । कालीकोट जिल्लाको शान्नी त्रिबेणी गाँउपालिका पहिलो पटक सडक सञ्जालमा जोडीएको छ । गाउँ पालीकाको २ करोड ७६ लाखको लागानीमा गाँउ सडक सञ्जालमा जोडीए पछि गाउँलेमा खुसियाली छाएको छ ।
गाउँ पालीकाको अगुवाईमा उपभोक्ता समितिद्वारा निर्माण गरीएको ८ दशमलव ५० किलो मिटर सडकमा गाडी गुडेपछि स्थानियहरुले गाडी र चालकहरुलाई फुलमाला र अबिरले स्वागत गरेका छन् ।
अब शान्नीघाटदेखी गाउँ पालीकासम्म गाडी चल्ने भएपछि स्थानियहरुले खुसियाली व्यक्त गरेको गाउँ पालीकाका इन्जिनियर कमल बमले जानकारी दिनुभएको छ ।
यसै आव मा कर्णाली प्रदेश सरकारले रकु मेहेलमुडी हुदै मुम्रा जोड्ने सडकका लागी २ करोड रुपैया बिनियोजन गरीसकेको रकम टेन्डर प्रकृयामा गइसकेको छ
हाल सम्म पुरक बजेटबाट पोतमारा हुदै गाउँ पालीका सम्म ५०लाख र रकु देखि मेहेलमुडीसम्म ५०लाख रकम छुट्टयाएको छ । सो रकमले गाउँ पालिका का सबै वडाहरुमा सडक सञ्जालले छुने जानकारी कर्णाली प्रदेश सरकारका मुख्यमन्त्रीका स्वकिय सचिव खेम बहादुर सिंह “भिजनले” जानकारी दिनुभएको छ ।
Milan Shrestha । ५ चैत्र २०७५, मंगलवार १८:१६ बजे