लक्ष्मण बुढामगर
२६ जेठ, सुर्खेत । बराहताल गाँउपालिका ४ र ५ नं वडाका करिब ४ सय घरघुरीका जनतालाई मध्यनजर गर्दै २०६४ सालबाट निर्माण गर्न स्वीकृत भएको सिचाई आयोजना पुन सञ्चालन गर्न स्थानीयले माग गरेका छन् ।
२०६५ सालमा ३२० हेक्टर जमिनमा सिचाई पुग्ने लक्ष्यका साथ शुरु गरिएको आयोजना ७० प्रतिशत काम भएर विभिन्न कारणले यतिवेला रोकिएको छ । रोकिएको ३० प्रतिशत काम सम्पन्न गर्न स्थानीयले माग गरेकाछन् साथै र सम्पन्न भैसकेको कामहरुमा पनि पनि यतिवेला मर्मत गर्नुपर्ने भएकोले पुन आयोजना संचालन गर्न माग गरिएको हो ।
मर्मत सम्भार गर्नकालागि हाल प्रदेश सरकारको पूर्वाधार विकास कोष मार्फत प्राप्त २० लाख रुपैया विनियोजन भएपनि राजनितिक खिचातानीले पुन रोकिएको छ । यता काम रोकिएपछि स्थानीयबासी आक्रोसित हुँदै सहि ढंगले काम नभए आन्दोलन गर्ने बताएकाछन् ।
आयोजनाका अध्यक्ष डिलबहादुर ठाडामगर यदी स्थानीय कोही इच्छाशक्ति देखाएर काम गर्न चाहे आफूल पूर्ण समर्थन जनाउने बताउनुहुन्छ । उहाँ भन्नुहुन्छ “तर यस्मा राजनितिक पुर्वाग्रह भने हुनुहुँदैन ।”
यता वडा नं ५ का अध्यक्ष तिलक बहादुर मर्साङ्गी भन्नुहुन्छ “समाजमा काम गर्ने मान्छेको जहाँपनि आलोचना हुने गर्छ नै त्यसैलेपनि हामीले उहाँहरुलाई काम प्रोत्साहन दिइरहेकाछौ तर उहाँले ठोस निर्णय नदिनुभएकोले काम हुन सकेको छैन ।”
Prawash Kumar Shakya । २६ जेष्ठ २०७७, सोमबार १७:१० बजे