‘अनसन बस्न नपर्ने गरी माग सम्बोधन गर्छौं’
सोमबार अपराह्न ११ औं अनसनका मागबारे सञ्चारकर्मीलाई जानकारी गराउँदै डा.गोविन्द केसी
१२ साउन, काठमाडौं । सरकारले आमरण अनसनमा बसेका डा. गोविन्द केसीसँग वार्ता गर्न वार्ता टोली बनाएको छ ।
मन्त्रिपरिषदको बिहीबार बसेको बैठकले शिक्षा सचिव शान्तबहादुर श्रेष्ठको संयोजकत्वमा वार्ता समिति बनाएको हो । वार्ता समितिमा स्वास्थ्य मन्त्रालयका सचिव र प्रधानमन्त्री कार्यालयका सचिव सदस्य छन् ।
एकीकृत चिकित्सा शिक्षा ऐन पारित गर्नु पर्ने लगायतका सातबुँदे माग राख्दै डा. केसी चार दिनदेखि अनसनमा छन् ।
बैठकपछि सरकारको प्रवक्ताको जिम्मेवारीसमेत पाएका अर्थमन्त्री ज्ञानेन्द्रबहादुर कार्कीले अब अनसन नै बस्न नपर्ने गरी केसीका माग सम्बोधन गर्ने बताए ।
साभारः अनलाइनखबर
Prawash Kumar Shakya । १२ श्रावण २०७४, बिहीबार १२:०८ बजे