१९ असार, सुर्खेत । कोरोना भाइरस कोभिड १९ को रफ्तार बढ्दै जाँदा आज अधिराज्यभर एकै दिन ७४० जनामा पुष्टी भएको छ । यो संगै कूल संक्रमितको संख्या १५ हजार २ सय ५९ पुगेको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा ७४० जनामा कोरोना संक्रमण भएको छ। यो संक्रमितको संख्या अहिलेसम्मकै बढी हो।
त्यस्तै कोरोनाले थप एक जनाको मृत्यु भएको छ । यो संगै मृत्यु हुनेको संख्या ३२ पुगेको छ । प्रवक्ता गौतमका अनुसार कोरोनाबाट काठमाडौं नयाँ बानेश्वरका ८५ वर्षीय पुरुषको असार १७ गते मृत्यु भएको हो ।
यस्तै दैलेखमा पनि कोरोना परिक्षण शुरु भएको छ । दैलेख परिक्षणमा आज ९ जनामा संक्रमण पुष्टी भएको छ । यो संगै कर्णालीमा संक्रमितको संख्या १४८३ पुगेको छ भने डिस्चार्ज हुनेको संख्या ११७८ पुगेको सामाजिक विकास मन्त्रालय कर्णाली प्रदेशले जनाएको छ ।
Prawash Kumar Shakya । १९ असार २०७७, शुक्रबार १६:५० बजे