९ कार्तिक, सुर्खेत । कर्णाली प्रदेशमा प्रतिस्पर्धात्मक यातायात क्षेत्रमा आफ्नो क्षेत्रमा साखलाई कायम राख्दै सुर्खेत काँक्रेविहार यातायात प्रा.लि. सुर्खेतले काठमाडौ रुटमा २ वटा नयाँ एयर बस थप गरेको छ ।
सुर्खेत काँक्रेविहार यातायातले यातायातको पहुँच भएको कर्णाली प्रदेश भरीमा दिवा तथा रात्री सेवा सुविधा दिइरहेको प्रालिका अध्यक्ष रमेश सापकोटाले जानकारी दिनुभयो ।
प्रालिमा अहिले १३२ वटा बस तथा माइक्रो बस आबद्ध रहेको र आउँदो पौष मसान्त सम्म ५ वटा एयर सस्पेन्सन रात्री बस थप गर्ने गरि तयारी गरेको अध्यक्ष सापकोटाले बताउनुभयो । साथै २ महिना भित्र नै २१ वटा सवारी साधन थप गर्ने जानकारी दिनुभयो ।
हामीले आउँदो २०७७ को विजया दशमीलाई मध्य नजर गर्दै थप सुविधाजनक गाडीहरु भित्र्याउने कार्यदिशा तर्फ अग्रसर भएका छौ साथै दिपावली तथा छठ पर्व २०७६ को सम्पूर्ण यात्रु महानुभावलाई शुभकामना दिँदै आफ्नो सुर्खेत काँक्रेविहार यातायात प्रा.लि.को नाममा मिल्दोजुल्दो नाम संग नझुक्किन समेत अनुरोध गर्दछु । अध्यक्ष सापकोटाले भन्नुभयो ।
Milan Shrestha । ९ कार्तिक २०७६, शनिबार २०:३४ बजे