२८ भाद्र, सुर्खेत । वीरेन्द्रनगर ६ मा रहेको एक सरकारी विद्यालयमा अध्ययनरत विद्यार्थीहरुलाई शैक्षिक सामाग्री वितरण गरिएको छ । सुर्खेत उद्योग बाणिज्य संघका कार्यकारी निर्देशक गणेशकुमार कार्कीको समन्वयमा काठमाण्डौं निवासी रोशन महर्जनको सहयोगमा शैक्षिक सामाग्री वितरण गरिएको हो ।
वीरेन्द्रनगर ६ प्रगतिटोलमा रहेको जुनतारा प्राथमिक विद्यालयमा अध्ययनरत ३५ जना विद्यार्थीहरुलाई कार्यक्रमका प्रमुख अतिथि वीरेन्द्रनगर नगरपालिका ६ नं. वडाअध्यक्ष जनकबहादुर रावलले झोला, कपी, पेन्सिल लगाएत स्टेशनरी सामाग्री वितरण गर्नुभयो । विद्यालय व्यवस्थापन समितिका अध्यक्ष कर्णबहादुर थापाको अध्यक्षतामा शैक्षिक सामाग्री वितरण कार्य सम्पन्न भएको थियो ।
Prawash Kumar Shakya । २८ भाद्र २०८१, शुक्रबार १४:४६ बजे