रक्तदानप्रति जनचेतना जगाउने उद्देश्यले नेपाल आइडल सिजन–६ का विजेता गंगा सोनामको स्वरमा नयाँ रक्तदान जागरण गीत रेकर्ड गरिएको छ ।
गीतका रचनाकार नेपालका सर्वाधिक स्वयंसेवी शतक रक्तदाता तथा नेपाल स्वयंसेवी रक्तदाता समाजका केन्द्रीय अध्यक्ष प्रेमसागर कर्माचार्यको शब्दमा तयार भएको गीतमा वरिष्ठ संगीतकार मनराज नकर्मीले संगीत दिनुभएको छ भने अष्ट लामाले संगीत संयोजन गर्नुभएको छ ।
काठमाडौंस्थित आटो म्युजिक स्टुडियोमा सम्पन्न गीतले रक्तदानलाई मानवीय मूल्य र सामाजिक उत्तरदायित्वसँग जोड्दै ‘रक्तदान, जीवनदान’को सन्देश दिन खोजिएको बताइन्छ । गीतका रचनाकार कर्माचार्यका अनुसार, “रक्तदानले अरूको जीवन बचाउनुका साथै आत्मसन्तुष्टि पनि दिन्छ । यस गीतमार्फत सबैलाई स्वेच्छिक रक्तदानतर्फ प्रेरित गर्ने प्रयास गरिएको हो,” उहाँले भन्नुभयो । उहाँका अनुसार गीतको सङ्गीत मिक्सिङ र मास्टरिङ कार्य सम्पन्न भइसकेको छ । निकट भविष्यमा सार्वजनिक गरिने तयारी भइरहेको छ ।
गीतकाे बाेल :
रगतकाे दान रक्तदान हुन्छ यसले जीवनदान
जीवनकाे दान जीवनदान हुन्छ जहाँ रक्तदान
जहाँतहीं जताततै सबले सबैले गराैं रक्तदान
स्वस्थ व्यक्ति स्वच्छ रगत गर्दा राम्रो रक्तदान
यसैमा छ मानव सेवा नचुकाैं है गर्न रक्तदान
जहाँतहीं जताततै सबले सबैले गराैं रक्तदान
दान पारमितामा महादानलाई बुझाैं रक्तदान
सञ्चार गराैं रगत एकअर्कामा गरेर रक्तदान
जहाँतहीं जताततै सबले सबैले गराैं रक्तदान
Prawash Kumar Shakya । ३१ आश्विन २०८२, शुक्रबार ०८:४४ बजे