नायक आर्यन सिग्देलले आउछु भनेर एक्कासी काठमाण्डौ बाहिर हिडिदिएपछि चलचित्र ‘आवेग’का निर्देशक बसन्त निरौला आक्रोशित देखिए । उनले जुन कलाकारमाथि ७० लाख रुपैयाँ निर्माताले लगानी गरेको हुन्छ त्यही कलाकारले धोका दिएको भन्दै आक्रोश पोखे ।
आर्यनले आफू पत्रकार सम्मेलनमा उपस्थित हुने भनेर पनि नभएपछि निर्देशकदेखि निर्माता केही वेखुशी देखिएका थिए ।
चैत्र १२ गते प्रदर्शनमा आउने गरि यो चलचित्रको प्रचार सुरुवात गरिएको छ । बारम्बार प्रदर्शन मिति सरेपनि अब भने चलचित्र चैत्र १२ मा नै रिलिज हुने निर्देशकको भनाई छ । चलचित्रको ३ गीत, ट्रेलर कार्यक्रममा सार्वजनिक गरिएको थियो । सूचना तथा संचारमन्त्री शेरधन राइले चलचित्रको अडियो बिमोचन गरे । उनको साथमा विभिन्न संघसंस्थाका प्रतिनिधी र चलचित्रको निर्माण यूनिले अडियो बिमोचन गरेको थियो ।
कार्यक्रममा बोल्दै संचारमन्त्रीले चलचित्र नीति, बक्स अफिस र सेलिब्रेटी कार्डलाई आफूले प्राथमिकताका साथमा अगाडि बढाइरहेको बताए । उनले चाडै नै यी कुराहरु लागू हुने भन्दै सबैको साथको अपेक्षा गरे ।
एक्सनले भरिएको यो चलचित्रलाई सूर्य कार्कीले प्रस्तुत गरेका हुन् । बसन्त निरौलाको निर्देशनमा बनेको चलचित्रमा आर्यन सिग्देल, ध्रुव दत्त, पवित्रा आचार्य, अर्चना डेलाला, रमेश बुढाथोकीको मुख्य भूमिका छ । झमक नारायण घिमिरे, धन सिंह केसी र राजेश्वर श्रेष्ठको चलचित्रमा लगानी छ ।
नायक आर्यन सिग्देल यो चलचित्रमा एक्सन अवतारामा देखिएका छन् । पूर्णतया व्यवसायिक चलचित्र बनेको भन्दै प्रस्तुतकर्ता सूर्य कार्कीले आफू यो चलचित्रबाट भने उकासिने विश्वास व्यक्त गरे ।
साभारः अनलाइन खबर
Milan Shrestha । ११ माघ २०७२, सोमबार १५:०६ बजे